УВАГА! КОНКУРС!

«Краіна мая дарагая»

У сакавіку-кастрычніку 2016 года ў адпаведнасці з планам правядзення асноўных мерапрыемстваў у рамках рэспубліканскай акцыі навучэнскай моладзі «Жыву ў Беларусі і тым ганаруся» праводзіцца Рэспубліканскі конкурс фотаздымкаў «Краіна мая дарагая».Конкурс праводзіцца па наступных намінацыях:

• «Беларусь сінявокая» (пейзаж – сельскі і гарадскі, рэкі і азёры);
• «Дзівоснае побач» (раслінны і жывёльны свет Беларусі);
• «Беларусь у фармаце 3D» (стэрэафотаздымкі па наступных тэматыках: сельскі і гарадскі пейзаж, жывёлы Беларусі, помнікі гісторыі і культуры Беларусі);
• «Навуковае фота» (фотаздымкі, зробленыя ў працэсе навуковых даследванняў).

Фотаздымкі павінны быць зроблены на тэрыторыі Беларусі.

У кожнай намінацыі работы будуць разглядацца ў трох узроставых катэгорыях:

• з 6 да 11 гадоў уключна;
• з 12 да 15 гадоў уключна;
• з 16 да 31 года ўключна.

Асноўнымі крытэрыямі ацэнкі фотаработ з’яўляюцца:

• арыгінальнасць сюжэту;
• мастацкае адлюстраванне і раскрыццё тэмы пры дапамозе фатаграфіі;
• тэхнічная якасць фотаздымка.

Падрабязней з умовамі конкурса і патрабаваннямі да фотаздымкаў можна пазнаёміцца тут.